سلاااااامون عليكم 
شلونكم يالغالين
انا تيب بخير نحمد الله ونشكره
كل الشكر لأحبابي الي شاركوني وراسلوني عن طريق الموقع او بالكتابه في سجل الزوار
واسف جدا على التأخير زمان ما جددت الموقع
راح ارضيكم ان شاء الله واعوضكم عن الغياب
الخربوشات كثيره
هذي مجموعة تواقيع حبيت
تكون فكره جديده وحجم صغير شوي
ان شاء الله تعجبكم
وفي من الخربوشات
اول بطاقة بعنوان
تعــــودنا
تصميم اخذ وقت كبير بس بصراحه ما طلع زي ما احب
استخدمت في التصميم ثلاث صور
واخذت من الوقت يومين
اترك لكم التعليق
البطاقة الثانية
اوقف يا زمن
حاولت ان يطلع التصميم بفكره جديده اتمنى تعجبكم
استخدمت اربع صور
واخذت من الموقت ثمان ساعات
فاصل اعلاني
بصراحه بعد المساحات الشخصيه على msn
صرنا نشوف ابداعات واذواق راقيه جدا
تفضلوا بزيارة السبيس الرائع
من المساحات المعجب بها جدا
لأختنا المبدعه المغروره
تحياتي لك اختي والى الأمام
.......................
وهذي المساحة اضفته قبل مده
لأختنا جـا كـليـت
عجبتني الوانه كثير ومحتويات الموقع
موفقه اختي..
نروح للتصوير
طبعا هذي رسمتي مع تصويري
وان شاء الله قريب انزل لكم نفس الرسمه مع الاعمال
وباركوا لي على الساعه
ان شاء الله اكون ارضيتكم بعد الغياب ولي عوده
ما انحرم منكم يا رب ولا من تشجيعكم
ووه زمان ..
شلون الغالين ..
في احد مشتاق
الى عالمي عذرا طال وقت الرجوع
اليوم جاي اضيف بعض الاشياء الي تبي تطلع تشوفكم
والايام الي راحت حبتهم كثير
احداث وقصص حلوه صارت معي (الهتني عنكم)
للي غايب عن عيوني والمسافه له ابعد من صوتي ذكراك خالده بقلبي
وحشتني وخالق كوني ..
صورة لسيارتي (احد يركب)
ما ادري اضيفها من قسم التصاميم او التصوير !
اخذت من وقت في التصميم 20 دقيقة
استخدمت صورتين اضافة الى تصويري
اتمنى تنال اعجابكم
.................................................................................
يا عديم الشوق..
عوده ..
كيفكم حبايبي
حبيت اضيف اليوم بطاقة جديده بعنوان يا عديم الشوق
اهديها لمن ما يشتاق ..
اخذت معاي من الوقت 16 ساعه غير متواصله
عدد الليرات 246 اللون الاصلي للخلفيه الليموني المخضر
استخدمت فيها خط يدي وبعض الفرش وسبع صور
اتمنى تنال اعجباكم
جنوني..
نصيحه لحد يتابع افلام الرعب << تأثر
حاولت اختلق جو مخيف للتصوير بس منو المرعب فينا
صورت عدة صور هذا الي طلع معاي
رعب صح
مقدر انام..
.................................................................................
حياكم ..
الف شكر لكم اخواني على زيارتكم .. فرحت كثير لتعليقاتكم وملاحظاتكم
مثل ما تعرفون لما الواحد يصير يومه مكرر يصير عنده خمول وملل
وانا سارح في التفكير وعيوني في الاشياء الي بالطاوله وعلى الارض وفوق الرف
ويديني تلعب بكل شي قريب منها
مديت يدي على شي عجبني لونه وحبيت الكتابه الي فيها
تأملت كثير بالمنظر
اعجبني .. وسرحت بعيد..
لحد يسأل وين
انا باقي قريب منكم
كل الحب لكم اصدقاء جنوني ..
.................................................................................
السلام عليكم ورحمة الله
وبركاته
مرحبا بكم في موقعي المتواضع
الي حاولت كثير في إخراجه بصورة مختلفة عن المواقع
واخذ معاي وقت كبير في التفكير أكثر من التنفيذ
إن شاء الله ينال إعجابكم
في البداية
أحب اهدي الموقع للوالدين الغاليين وأتمنى لهم العافية وطول العمر
وكل الشكر والتقدير للأصدقاء الي شجعوني في خطواتي ويعلم الله إني أحبهم من كل قلبي
في هذا الموقع بتلاقون أكثر الأشياء الي حبيت اعرضها عن جنون
وكل الأشياء الي كانت بخاطري وما وصلت لكم
.
.
.
هذا أنا ادفن ذكرياتي الأليمة
أن شاء الله هذي البداية طرد لكل أحزاني وأحزانكم
ونفتح مع بعض كل صفحات جديدة لكل لأمل ومستقبل
.
.
لكل من أخطيت في حقه وظلمته
لكل من نزلة دمعته بسببي
لكل من خاب أمله فيني
اعتذر منكم و ادري اعتذاري مو كافي بس لو الروح ترسل خذوها
ولكل من اخطأ في حقي وظلمني
ولكل من نزلة دمعتي بسببه
ولكل من خاب أملي فيه
أنا سامحتك وعذرتك ولا تعودها ..